ننګرهار کې د دوو کورنیو ترمنځ شخړه کې یو کس وژل شوی
- 1 کال دمخه (28/05/2023)
- سمسور نیوز
- 688
ځایي امنیتي چارواکي وایي، د ننګرهار په اچین ولسوالۍ کې د دوو کورنیو ترمنځ شخړه کې یو ۲۹ کلن کس وژل شوی دی.
د ننګرهار د امنیې قوماندانۍ ویاند عبدالبصیر زابلي ویلي، چې پېښه تېره ورځ د اچین ولسوالۍ په «عبدالخېلو دمګل» سیمه کې شوې ده.
ده ویلي، وژل شوی کس خان زمان نومېده، چې د پېښې پر مهال په ډزو لګېدلی او مړ شوی دی.
نوموړي د پېښې لامل پخوانۍ دښمني بللی او زیاته کړې ده، چې د پېښې عاملین له سیمې تښتېدلي؛ خو دوی یې د نیولو هڅې کوي.
په هېواد کې ډېر کله داسې پېښې رامنځ ته شوې، چې لامل یې پخوانۍ دښمني، د ځمکو پر سر ناندرۍ او نور عوامل بلل کېږي.