ډبلیو اېف پي د افغانستان پر اقتصادي وضعیت اندېښنه څرګنده کړې

ډبلیو اېف پي د افغانستان پر اقتصادي وضعیت اندېښنه څرګنده کړې


  • 1 کال دمخه (30/05/2023)
  • سمسور نیوز
  • 483

د خوړو نړیوال سازمان یو وار  بیا د افغانستان او یو شمېر نورو هېوادونو د اقتصادي وضعیت په اړه اندېښنه ښوودلې.

د یاد سازمان او د دغه بنسټ د خوړو او کرنې نړیوالې ادارې په یو تازه راپو کې د دوه ویشت هېوادونو  یو شمېر هغو سیمو ته مرستې رسوول بېړنۍ اړتیا بلل شوې، چې له لوږې سره د مخ خلکو حالت په کې لا خرابېدونکی دی.

په دې هېوادونو کې افغانستان، نایجریا، سومالیا، جنوبي سوډان، یمن، بورکینافاسو او یو شمېر نور هېوادونه شامل دي.

په راپور کې د دغې نړیوالې ننګونې د ختمولو لپاره د ګډو ګامونو د پورته کېدو غوښتنه شوې.

دا راپور په داسې حال کې خپرېږي چې اوچا تر دې وړاندې ویلي چې په افغانستان کې ۲۸.۳ میلیونه وګړي له لوږې سره مخ دي.

د اوچا د معلوماتو له مخې، له دې ډلې یې ۶ میلیونه وګړي له سختې قحطۍ سره په نژدې فاصله کې دي.