فاریاب کې د ټرافیکې پېښې له کبله اوو تنو ته مرګ ژوبله اوښتې
- 1 کال دمخه (30/05/2023)
- سمسور نیوز
- 614
د فاریاب په پښتونکوټ ولسوالۍ کې د یو فلانکوچ موټر د چپه کېدو له کبله د یوې مېرمنې په شمول دوه تنه وژل شوي او پنځه نور ټپیان دي.
د فاریاب د ټرافیکو ریاست د حوادثو مدیر احمد فهیم کوهي وايي، په ټپیانو کې هم دوه مېرمنې شاملې دي.
دا په داسې حال کې ده، چې تر دې یوه ورځ وړاندې هم د یاد ولایت په قرغان ولسوالي کې د ټرافیکي پېښې له کبله یو تن وژل شوی و.
د یادونې وړ ده چې په هېواد کې ډېری ټرافیکي پېښې د خرابو لارو او موټر چلوونکو د بې غورۍ له کبله رامنځته کېږي.