له وسلهوالو سره په نښته کې دوه پاکستاني پوځیان وژل شوي
- 1 کال دمخه (04/06/2023)
- سمسور نیوز
- 596
خیبرپښتونخوا د بنو ولسوالۍ په جاني خیلو سیمه کې له وسله والو سره په نښته کې دوه پاکستاني پوځیان وژل شوي دي.
د پاکستان له پوځ څخه په خپره شوې خبرپاڼه کې راغلي چې یاد پوځیان د ترهګرو پر وړاندې عملیاتو کې وژل شوي دي.
په خبرپاڼه کې راغلي چې په نښته کې د دوی د ځواکونو له لوري هم دوه وسله وال وژل شوي دي.
د پاکستان حکومت ویلي، دوی د ترهګرو ډلو د له منځه وړلو هوډ لري او هڅه کوي چې په سیمه کې ټولې جنګېدونکې ډلې له منځه یوسي.
که څه هم تر اوسه له پاکستاني ځواکونو سره د نښتې مسوولیت کومې ډلې پر غاړه نه دی اخیستی، خو هلته تر ډېره بریده د تحریک طالبان پاکستان ډله فعاله ده.