ای او ایم: له زیانمن شویو افغانانو سره مرستو ته دوام ورکوو
- 1 کال دمخه (05/06/2023)
- سمسور نیوز
- 604
د کډوالو نړیوال سازمان یا «ای.او.ایم» ویلي، ژمن دي، چې په افغانستان کې له زیانمنو خلکو سره د سرپنا جوړولو په برخه کې مرستو ته دوام ورکړي.
یاد سازمان تېره ورځ پر خپله ټوېټرپاڼه لیکلي، هڅه کوي چې په افغانستان کې له ډېرو خلکو سره د سرپناوو جوړولو او نورو برخو کې اړینې مرستې وکړي.
ای.او. ایم لیکلي، له افغانانو سره د مرستو پر دوام یې په بلخ کې له ۲۲۹ کورنیو سره نغدي مرسته کړې چې ترڅو پرې د طبیعي پېښو له کبله خپل ویجاړ شوي کورونه بېرته ورغوي.
دا په داسې حال کې ده، چې څه موده وړاندې د اسلامي امارت د کډوالو او بېرته راستنېدونکو چارو وزارت سرپرست وزیر هم د کډوالو له نړیوال سازمان او یو شمېر نورو مرستندویه بنسټونو څخه غوښتي وو چې له افغان کډوالو سره خپلې مرستې زیاتې کړي.