سمسور

منچسټر سيټي لوبډلې د اروپا فوټبال ليګ اتلولي وګټله

• 1 کال دمخه (11/06/2023)
• سمسور نیوز
• 507

د اروپا فوټبال اتلانو ليګ نيمه پايلوبه کې منچستر سيتي لوبډلې انټر ميلان ته په ماتې ورکولو سره د لومړي ځل لپاره د اروپا فوټبال ليګ اتلولي وګټله.  

دغه سيالي چې بېګاه ناوخته د ترکيې په اتاترک المپيک لوبغالي کې وشوه، زرګونه نندارچيان يې ليدو لپاره لوبغالي ته ورغلي وو.

که څه هم د يادې لوبې لومړۍ نيمايي پرته له ګوله پای ته ورسېده، خو دويمه نيمايي کې روډريګو د منچسټر سيټي په ګټه ګول وهنه وکړه.

نوموړي دغه ګول د لوبې په ۶۸ دقيقه وواهه او په همدې يوه ګول منچسټر سيټي لوبډله بريا ته ورسېده. 

منچسټر سيټي لوبډلې روان کال د اروپا ليګ سربېره د انګلستان پريمير ليګ او اف اې کپ اتلولي هم ګټلي دي.