بغلان کې په ترافیکي پېښه کې درې کسان مړه او شل نور ټپیان شوي
- 1 کال دمخه (23/06/2023)
- سمسور نیوز
- 500
د بغلان په دوشي ولسوالۍ کې د ترافیکي پېښې له امله درې کسان مړه او ۲۰ نور ټپیان شوي دي.
د بغلان د امنیه قوماندانۍ ویاند مولوي شېر احمد برهاني ویلي، چې پېښه نن سهار د یوه ۵۸۰ مسافر وړونکي او بار وړونکي موټرونو ترمنځ د ټګر له امله رامنځ ته شوې ده.
هغه ویلي، چې دغه مسافر وړونکی موټر له بلخ څخه کابل ته روان و.
نوموړي زياته کړې، په دې پېښه کې د مسافر وړونکي موټر چلوونکی او کلېنر دواړه مړه شوي دي.
د سرچینې د معلوماتو له مخې، په ټپیانو کې یوه بل کس روغتون ته پر لاره ساه ورکړې او د دوو نورو روغتیايي حالت هم نازک دی.