د ا، ا مشر: نړۍ دې زمونږ په کورنیو چارو کې لاسوهنه نه کوي
- 1 کال دمخه (25/06/2023)
- سمسور نیوز
- 478
د اسلامي امارت رهبر مولوي هبتالله اخندزاده د لوی اختر د رارسېدو په مناسبت په یوه پیغام کې ولس ته د مبارکۍ تر څنګ ویلي، له ټولې نړۍ، په ځانګړې توګه "له اسلامي هېوادونو سره ښې او رغنده سياسي او اقتصادي اړیکې" غواړي.
نوموړي پهدې پیغام کې همداراز زیاته کړې، دوی د نورو هېوادونو په کورنیو چارو کې لاسوهنه نهکوي او نورو ته هم اجازه نه ورکوي چې د افغانستان په کورنیو چارو کې لاسوهنه یا ورته لارښوونه وکړي.
مولوي هبتالله اخندزاده پهدې پیغام کې ویلي، د اسلامي امارت د هلو ځلو په پایله د اقتصادي سقوط مخه نیول شوې او د هېواد په نږدې تاریخ کې په لومړي ځل هېواد له اقتصادي اړخه پر ځان بسیا شوی او همداراز د نشهيي توکو کرکېله د نشت سره برابره ده.
د اسلامي امارت رهبر زیاته کړې، د اسلامي امارت بیا واکمنېدو سره د ټولنې د نیمې برخې په توګه د ښځو ټول "شرعي حقونه" تامین شوي او د نورو حقونو د تامین لپاره یې ټولې ادارې د مرستې په موخه مکلفې شوې دي.