سمسور

کونړ کې یوه کوچنۍ نجلۍ د سیند اوبو وړې

• 1 کال دمخه (06/07/2023)
• سمسور نیوز
• 525

د کونړ په شیګل ولسوالۍ کې یوه وړه نجلۍ د سیند اوبو وړې او مړی یې نادرکه دی. 

د سیمې خلک وایي، دغه نجلۍ تېره ورځ د شیګل له «شینکوړک» سیمې د سیند اوبو یوړه، چې تر اوسه یې جسد نه دی موندل شوی.   

سرچینې زیاته کړې، د حسیبې په نوم دغې ماشومې شپږ کاله عمر درلود او له جلال اباد ښاره له خپلې کورنۍ سره په چکر تللې وه.    

په سیند کې د دغې کوچنۍ ماشومې د ډوبېدو په تړاو د کونړ ځایي چارواکو تر اوسه څه نه دي ویلي.

تر دې وړاندې د لوی اختر په ورځو کې د کونړ په بېلابېلو سیمو کې د سیند اوبو شپږ کسان مړه کړي وو.