سمسور

کرزي د جرمني د بهرنیو چارو له وزیرې سره خبرې کړې

• 1 کال دمخه (08/07/2023)
• سمسور نیوز
• 625

پخواني ولسمشر حامد کرزي، د جرمني د بهرنیو چارو له وزیرې انالینا بایربوک سره خبرې کړې دي. 

د کرزي له مطبوعاتي دفتره په خپره شوې خبرپاڼه کې راغلي، چې نوموړي په دغه ویډیو کنفرانس کې د نجونو د زده کړو او کار ته د ښځو د بېرته ستنېدو په برخه کې د آنالینا بایربوک د هڅو ستاینه وکړه او د نجونو زده کړې یې د هېواد د روښانه راتلونکې او آبادي او ترقي لپاره حیاتي مسئله وبلله.

په خبرپاڼه کې راغلي، چې دواړو لوریو په خپلو خبرو کې د بین الافغاني خبرو پر اهمیت هم نظرونه تبادله کړي دي.

پخواني ولسمشر حامد کرزي تر دې وړاندې هم د افغانستان د ستونزو حل لپاره بین الافغاني خبرې او د ښځو او نجونو کار او زده کړې مهمې بللې دي.