سمسور

د بند امیر اوبو دوه ځوان وروڼه ډوب او مړه کړي

• 1 کال دمخه (18/07/2023)
• سمسور نیوز
• 456

د باميان د بند امیر ملي پارک په «بندپنېر» جهيل کې دوه وروڼه د لامبو وهلو پر مهال ډوب شوي او مړه دي.   

د باميان د والي وياند عبدالصبور فرزان سيغاني ويلي، ۲۲ کلن احسان او ۲۴ کلن خادم د پروان د شيخ علي ولسوالي له سنکر کلي له خپلې کورنۍ سره يوځای باميان ته په چکر راغلي وو. 

د نوموړي په وينا، پېښه نن له غرمې مخکې رامنځته شوې او د يادو ځوانانو جسدونه د ژغورونکو ډلو له لوري له اوبو رااېستل شوې او کورنۍ ته يې سپارل شوي دي.

د يادونې وړ ده چې هر کال د دوبي په موسم کې زرګونه سيلانيان باميان په ځانګړې توګه د بندامير ملي پارک ته په چکر ځي.