خوست کې یو درې کلن ماشوم تر تښتول کېدو وروسته وژل شوی
- 1 کال دمخه (01/08/2023)
- سمسور نیوز
- 426
د خوست مرکز متون په ورغه سیمه کې انسان تښتوونکو د محمد په نوم یو درې کلن ماشوم وژلی دی.
د خوست د امنیه قومندانۍ ویاند مستغفر ګربز ویلي، چې انسان تښتوونکو دغه ماشوم د تېرې جمعې په ورځ له خپل کوره تښتولی و، چې وروسته یې په ډېرې بې رحمۍ سره وژلی دی.
ګربز زیاته کړې، انسان تښتوونکو د ماشوم له کورنۍ یوولس زره امریکايي ډالر غوښتي وو، چې بیا یې د پیسو د نه ورکړې له کبله وژلی دی.
د نوموړي په خبره، تښتونکی د ياد ماشوم ګاونډی و او د معروف خان په نوم د مشر په ګډون يې د کورنۍ ټول غړي د امنيتي ځواکونو له لوري نيول شوي او اوس مهال تر څېړنې روانې دي.