اسیایي جام؛ افغانستان نن له بنګلهدېش سره خپله لومړۍ لوبه کوي
- 1 کال دمخه (03/09/2023)
- سمسور نیوز
- 440
د افغانستان کرکټ ملي لوبډله نن یک شنبه د کرکټ اسیايي جام په سیالیو کې له بنګله دېش سره لوبه لري.
دا په دغو سیالو کې د افغانستان لومړنۍ او د بنګله دېش دویمه لوبه ده.
بنګله دېش خپله لومړۍ لوبه سري لنکا ته بایللې وه.
د افغانستان او بنګله دېش نننۍ لوبه به د افغانستان پر وخت د ماسپښین په ۲ بجو د پاکستان د لاهور په قذافي لوبغالي کې پیل شي.
افغان لوبډلمشر حشمت الله شهیدي پرون په لاهور کې یوې خبري غونډې ته ویلي چې لوبډله یې دې سیالۍ ته چمتو ده.
د یادونې وړ ده، چې تېره ورځ د هند او پاکستان ترمنځ لوبه وه، چې د باران له کبله بې پایلې اعلان شوه او دواړو لوبډلو ته یوه، یوه نمره ورکړل شوه.