تورخم کې نښته؛ جګړه درېدلې او خلکو ته مرګ ژوبله اوښتې
- 1 کال دمخه (06/09/2023)
- سمسور نیوز
- 473
په تورخم ښار ګوټي کې د افغان او پاکستاني ځواکونو ترمنځ د رامنځ ته شوې نښتې له کبله ولسي خلکو ته مرګ ژوبله اوښتې.
د ننګرهار د اطلاعاتو او کلتور ریاست د اطلاعاتو امر قریشي بدلون په تورخم ښارګوټي کې نښته تائید کړې او په وینا یې، لومړی پاکستاني لوري ډزې کړي او دا مهال جګړه درېدلې ده.
ښاغلی بدلون زیاته کړې، چې تر اوسه د ځاني او مالي زیانونو په اړه جزیات نشته.
نښته نن غرمه مهال هغه وخت رامنځته شوه چې افغان لوری د پوستو په جوړولو بوخت وو او دا چاره د پاکستاني لوري له غبرګون سره مخ شوه.
په ټولینزو رسنیو کې یو شمېر ویډیو ګانې خپرې شوې چې ښیي امبولانسونه په پر له پسې ډول د پېښې له ځایه ټپیان لېږدوي.
بل لورته ځایي سرچینې وایي، چې په دې پېښه کې دوه امنیتي کسان هم وژل شوي خو تر اوسه چارواکو په دې اړه څه نه دي ویلي.