چترال کې څلور پاکستاني پوځیان وژل شوي
- 1 کال دمخه (07/09/2023)
- سمسور نیوز
- 500
د خیبرپښتونخوا په چترال سیمه کې د پاکستاني پوځیانو او تحریک طالبان پاکستان ډلې ترمنځ په نښته کې څلور پاکستاني پوځیان وژل شوي دي.
د پاکستان د پوځ له مطبوعاتي دفتر څخه په خپره شوې خبرپاڼه کې راغلي چې په دې نښته کې ۱۲ مخالف وسله وال هم وژل شوي دي.
خبرپاڼه کې راغلي چې مخالف وسله وال په پرمختللو وسلو سمبال وو.
بل لورته یو شمېر سیمهييزو سرچینو د پاکستاني طالبانو له قوله ویلي چې دوی د پاکستاني پوځیانو دوه پوستې سقوط کړې او ۶ سرتیري یې وژلي دي.
که څه هم تحریک طالبان پاکستان ډلې تر دې وړاندې په خیبرپښتونخوا او شمالي وزیرستان سیمو کې د پاکستاني پوځیانو خلاف پراخ بریدونه کړي؛ خو دا لومړی ځل دی چې په چترال کې بریدونه ترسره کوي.