سمسور

د تورخم دروازې تړلو ته توند غبرګون؛ پاکستان دې خپل اقتصاد په خپل لاس نه خرابوي

• 1 کال دمخه (10/09/2023)
• سمسور نیوز
• 518

د بهرنیو چارو وزارت د تورخم دروازې تړل کېدو په غبرګون کې ویلي، چې د پاکستان حکومت د افغانستان د مېوو د پخېدو پر وخت په عادي پلمو دروازې بندوي، چې دا چاره، خپله د پاکستان پر زیان هم تمامیږي.

بهرنیو چارو وزارت په یوه خپره کړې اعلامیه کې د افغانستان له لارې  له مرکزي اسیا سره وصل کېدو ته په اشارې لیکلي، د دروازو تړل به د پاکستان صادراتو ته هم لوی زیان ورسوي.

اوسني سرپرست حکومت ویلي، چې تر دې وړاندې بلوچستان کې پر اینځرو بار لارۍ د پاکستاني پولیسو پوستې ته څېرمه وسوځول شوه، چې  د دوی اندېښنې یې راپورته کړې.

اعلامیه کې راغلي، چې دوی د خبرو اترو له لارې د دا ډول ستونزو حل ته ژمن دي؛ خو که څوک پر خبرو باور نه لري، نو د ور اوښتونکو زیانونو مسؤلیت یې خپل دی.