ترکيې له افغانستان سره د ۲۰ ټنه طبي توکو مرسته وکړه
- 1 کال دمخه (19/09/2023)
- سمسور نیوز
- 559
له افغانستان سره د ترکیې د ۲۰ ټنه طبي توکو مرسته کابل ته رارسېدلې ده.
په افغانستان د ترکیې سفارت پر خپله اېکس پاڼه د دغې مرستې د رارسېدو خبر ورکړی دی.
یاد سفارت لیکلي، دغه مرسته د دوشنبې په ورځ (د وږي۲۷مه) د ترکیې هوايي ځواکونو یوې باروړونکې الوتکه کې کابل ته رارسولې ده.
د سفارت په وینا، په دغې مرسته کې ۲۰ ټنه طبي توکي شامل دي، چې د ترکيې حکومت افغانستان ته د بشري مرستو په چوکاټ کې ډالۍ کړې ده.
ترکیې د نوي حکومت له واکمنېدو وروسته، له افغانستان سره په بېلابېلو برخو کې مرستې کړې دي.
د روان کال د چنګاښ په مياشت کې اروپايي ټولنې هم له افغانستان سره د سل ټنه طبي توکو او درملو مرسته کړې وه.
دا مرستې په داسې حال کې کېږي، چې د راپورونو له مخې، اوس مهال د افغانستان تر ۳۰۰ زیاتو ولسوالیو کې خلک معیاري روغتیایي خدماتو ته لاسرسی نه لري.