هلمند کې د هاوان مرمۍ چاودنې پنځو ماشومانو ته مرګژوبله اړولې
- 7 مياشتي دمخه (19/09/2023)
- سمسور نیوز
- 327
په هلمند ولایت کې د یوې پخوانۍ هاوان مرمۍ د چاودنې له امله دوه ماشومان وژل شوي او درې نور ټپیان دي.
د سیمې خلک وایي، دا پېښه پرون دوشنبه (د وږي۲۷مه) د ګرمسیر ولسوالۍ په «میر اغا بازار» کې رامنځ ته شوې ده.
سرچینه زیاتوي، وژل شوي ماشومان د یوې کورنۍ غړي دي.
د سرچینې د معلوماتو له مخې، دغه پېښه هغه مهال رامنځ ته شوه، چې یادو ماشومانو غوښتل دغه مرمۍ په اوسپنه اخیستونکي وپلوري.
د دغې پېښې په اړه نور معلومات نه دي ورکړل شوي او د هلمند ځایي چارواکو هم لا په دې اړه څه نه دي ویلي.
په افغانستان کې وخت ناوخت دا ډول پېښې د عامه پوهاوي د نشتون له امله رامنځ ته کېږي.
دا ډول پېښې ډېر کله له خلکو په ځانګړې توګه، له ماشومانو قرباني اخلي.