جوزجان کې یو کس خپله تازه واده کړې مېرمن وژلې
- 1 کال دمخه (20/09/2023)
- سمسور نیوز
- 802
په جوزجان ولایت کې یوه مېرمن د خپل خاوند له لوري وژل شوې.
د یاد ولایت د امنیه قوماندانۍ ویاند عبدالستار حلیمي ویلي، چې دغه پېښه تېره شپه (د وږي ۲۸مه) د مرکز شبرغان په «ینګه ازی» سیمه کې رامنځ ته شوې ده.
نوموړی زیاتوي، د خدایقل په نوم یو کس خپله تازه را واده کړې مېرمن عالیه، چې شل کاله عمر یې درلود، زندۍ کړې ده.
حلیمي د دغې پېښې علت کورنی تاوتریخوالی ښودلی.
هغه ویلي، قاتل له سیمې تښتېدلی او د نیولو هڅې یې روانې دي.
په دې وروستیو کې په یو شمېر ولایتونو کې د ښځو د وژنې او ځانوژنې پېښې زیاتې شوي دي.
د دا ډول پېښو ستر لاملونه کورنی تاوتریخوالی، خراب اقتصادي وضعیت او رواني ستونزې ګڼل کېږي.