سمسور

له پاکستانه څه باندې زر افغان کډوال هېواد ته راستانه شوي

• 1 کال دمخه (23/09/2023)
• 616

د کډوالو چارو وزارت وایي، له پاکستانه څه باندې زر افغان کډوال هېواد ته راستانه شوي دي.

د یاد وزارت له لوري په خپره شوې خبر پاڼه کې راغلي، چې کابو یو زرو شپږ سوه افغان کډوال تېره ورځ د کندهار ولایت د سپین بولدک ولسوالۍ له لارې افغانستان ته راستانه شوي دي.   

د یاد وزارت د مالوماتو له مخې، په دغو کسانو کې ځینې یې په خپله خوښه هېواد ته راستانه شوي او ځینې نور بیا په جبري توګه له دغه هېواده شړل شوي دي. 

د سرچینې په خبره، دغه کډوال د مرستو د ترلاسه کولو په موخه د کډوالو نړۍوال سازمان دفتر ته هم پېژندل شوي دي.

په تېرو اوونیو کې پاکستان د افغان کډوالو پر وړاندې سخت دریځي زیاته کړې او ټینګار یې کړی، چې ناقانونه کډوال له دغه هېواده باسي.