سمسور

افغان لوبډله نړیوال جام کې د ګډون لپاره هند ته ولاړه

• 1 کال دمخه (26/09/2023)
• سمسور نیوز
• 625

د افغانستان کرکټ ملي لوبډله د روان کال نړيوال جام سياليو لپاره د هند کېرالا ایالت ته رسېدلې ده.

ټاکل شوې افغان لوبډله د راتلونکې جمعې په ورځ د نړيوال جام لپاره خپله لومړۍ تمریناتي لوبه له جنوبي افريقا سره وکړي. 

دويمه تمریناتي لوبه يې له سریلانکا سره ده.

د کرکټ نړیوالې شورا "ای سي سي" له خوا د اعلان شوي مهالوېش له مخې، د نړیوال جام لوبې به د اکټوبر پر پنځمه د هند په احمد اباد لوبغالي کې پیل شي. 

د افغانستان په ګډون د لسو لوبډلو تر منځ دا سیالۍ به د نومبر میاشتې تر ۱۹مې نېټې روانې وي.

د مهال وېش له مخې، افغانستان خپله لومړۍ لوبه د اکټوبر په ۷مه له بنګله دېش سره کوي.

د افغانستان کرکټ بورډ د یو ورځنیو سیالیو راتلونکي نړیوال جام لپاره د خپلو لوبغاړو نوملړ هم اعلان کړی، چې په کې لږ تر لږه درې چټک توپ اچوونکي هم غوره شوي دي.