سمسور

عراق؛ د واده مراسمو کې اورلګېدنې د ناوې او زوم په ګډون ۱۰۰ کسان وژلي

• 1 کال دمخه (27/09/2023)
• سمسور نیوز
• 716

په عراق کې د واده په مراسمو کې اور لګېدنه رامنځ ته شوې، چې په پایله کې یې د ناوې او د واده د زوم په ګډون ۱۰۰ تنه وژل شوي دي. 

د ایران دولتي رسنۍ « نینا» ویلي، چې یاده اورلګېدنه د اور لوبو وسایلو له کبله رامنځته شوې، چې په ترڅ کې یې ۱۵۰ نور کسان ټپیان شوي دي.

د سرچینې  معلوماتو له مخې، پېښه تېره شپه د شمالي ولایت د نینوي ښار په حمدانیه سیمه کې رامنځته شوې.

په ورته مهال د عراق لومړي وزیر د دې پېښې په اړه خواشیني ښودلې او چارواکو ته یې له قربانیانو سره  مرستې سپارښتنه کړې ده.  

لاهم د یادې پېښې له کبله د رامنځته شویو تلفاتو کچه وروستۍ نه ده.