تر اوږده ځنډ وروسته؛ افغانالاصله فرانسوی خبریال له بنده خوشې شو
- 1 کال دمخه (19/10/2023)
- سمسور نیوز
- 472
افغانالاصله فرانسوی خبریال مرتضی بهبودي تر اوږدې مودې وروسته، تېره ورځ چهارشنبه د تلې ۲۶مه د سرپرست حکومت له زندانه خوشې شو.
د بهبودي مېرمنې الکساندرا مستوفایا د نوموړي د خوشې کیدو خبر تایید کړی.
د بې پولې خبریالانو ټولنې هم د یوې اعلامیې له خپرولو سره دغه خبر تایید کړی او ویلي چې بهبودي له ۲۸۴ ورځو وروسته را خوشې شوی.
مرتضی بهبودي د تېر ۱۴۰۱ کال د جدي پر ۱۵مه کابل کې د سرپرست حکومت له خوا نیول شوی و.
چارواکو لا د نوموړي د خوشې کېدو په اړه څه نه دي ویلي.
نوموړی داسې مهال را خوشې شوی، چې لا هم یو شمېر نور فعالان د سرپرست حکومت په زندان کې بندیان دي او برخلیک یې نه دی معلوم.