پاکستان کې د اقتصادي بحران اوج؛ پي آی اې پر خپلو الوتکو ترپال کش کړ
- 1 کال دمخه (22/10/2023)
- سمسور نیوز
- 525
د پاکستان دولتي هوایي شرکت « پي آی اې» د سختو مالي ستونزو له امله خپلې الوتنې په بشپړ ډول ودرولې.
د پاکستاني رسنیو د راپورونو له مخې، د تېلو نه ترلاسه کېدو له امله نن هم ۵۰ الوتکې له الوتنې پاتې شوې دي. پاکستاني رسنیو ویلي، د پټرولو دولتي کمپنۍ د پیسو نه ترلاسه کېدو له امله «پي آی اې» ته د تېلو ورکړې څخه انکار کړی، چې له همدې امله د دغه هېواد په بېلابېلو هوایي ډګرونو کې الوتکې له الوتنو پاتې شوې دي.
د پاکستان هوایي شرکت لا په رسمي توګه د «پي آی اې» الوتکو د الوتنو د درېدو په اړه څه نه دي ویلي.
تر دې وړاندې پاکستاني رسنیو ویلي وو، چې پي آی اې د بهرنیو شرکتونو د زیاتو پورونو له امله د چارو د بندولو له ګواښ سره مخ دی.