افغانستان نړۍ کې د انځرو له سترو صادرونکو هېوادونو بلل شوی
- 1 کال دمخه (28/10/2023)
- سمسور نیوز
- 477
افغانستان په نړۍ کې د انځر له پنځو سترو صادرونکو هېوادونو څخه بلل شوی دی.
د نړۍ د غوره صادراتو وېب پاڼې راپور ورکړی، چې په ۲۰۲۲ کال کې افغانستان، ترکیې، جرمني، اتریش او هالنډ د نړۍ ۷۵ سلنه انځر تولید او صادر کړي دي.
د دغې وېب پاڼې شمېرې ښیي، چې افغانستان سږ کال د څه باندې ۶۸ میلیونه ډالرو په ارزښت انځر بېلابېلو هېوادونو ته صادر کړي دي.
د معلوماتو له مخې، د افغانستان انځر هندوستان، کاناډا، محتده عربي اماراتو او اروپا ته صادرېږي.
انځر د کندهار مشهوره وچه مېوه ده، چې د خوند او کيفيت له اړخه یې د افغانستان سربېره، په ډېرو هېوادونو کې ساری نشته.