د کرکټ نړيوال جام؛ اسټراليا نيوزيلنډ ته د پنځو منډو په توپير ماتې ورکړه
- 1 کال دمخه (28/10/2023)
- سمسور نیوز
- 471
د کرکټ نړیوال جام سیالیو پر دوام نن د اسټرالیا او نویزیلنډ ترمنځ لوبه شوه.
نيوزيلنډ د پچې له ګټلو سره لومړی د توپ اچولو پرېکړه وکړه.
اسټرالياد ټولو لوبغاړو په سوځېدو سره د ۳۸۹ منډو هدف وټاکه، چې نيوزيلنډ پوره نه شو کړای او سيالي يې په پنځو منډو وبايلله.
د اسټراليا لپاره ټروېس هېډ ۱۰۹، ډېوېډ وارنر ۸۱، ګلېن مکسوېل ۴۱، جاش انګلس ۳۸، پټ کمېنس ۳۷ او مېچل مارش ۳۶ منډې وکړې.
د نيوزيلنډ ټرېنټ بولټ ۳، ګلېن پېلپس ۳، مېچل سټنر ۲، مټ هېنري او جېمز نيشن يوه، يوه وېکټه واخيسته.
د نيوزيلنډ رچېن روېندرا ۱۱۶، جېمز نيشم ۵۸، ډېري مېچل ۵۴ او وېل ينګ ۳۲ منډې جوړې کړې.
د اسټراليا اډم زمپا درې، جاش هېزولډ او پټ کمېنس دوه، دوه او ګلېن مکسوېل يوه وېکټه واخيسته.
د کرېکټ نړيوال جام د لوبو جدول په سر کې جنوبي افريقا ده، ورپسې هند، نيوزيلنډ او په څلورم نمبر اسټراليا ده.