سمسور

ډبلیو اېف پي یو وار بیا له اړمنو افغانانو سره د مرستې غوښتنه کړې

• 1 کال دمخه (30/10/2023)
• سمسور نیوز
• 451

د خوړو نړیوال پروګرام یا ډبلیو اېف پي یو وار بیا غوښتنه کړې، چې له اړمنو افغانانو سره دې مرستې وشي.

یاد سازمان پر خپله اېکس پاڼه لیکلي، بسپنه ورکوونکي باید په افغانستان کې اړو کسانو ته د خوړو په برابرولو کې ورسره مرسته وکړي. 

دغه سازمان زیاته کړې، چې تېر کال په افغانستان کې ۲۳ میلیون کسانو د خوړو پروګرام مرستې ترلاسه کړې او دا کار یوازې د بسپنه ورکوونکو لکه د اسټرالیا، چین، کویټ، فنلنډ او برېتانیا په څېر هېوادونو د سخاوتمندانه مرستو له لارې ممکن شوی و.   

د خوړو نړیوال پروګرام ویلي، چې سږ کال یې د بودیجې د سخت کمښت له کبله پر لس میلیون وګړو د خوړو مرستې درولي او له بسپنه ورکوونکو غواړي، چې ورسره سمدستي مرسته وکړي.

دا په داسې حال کې ده،  چې تر دې وړاندې هم یو شمېر سازمانو افغانستان کې له اړمنو کسانو سره د مرستې غوښتنه کړې وه.