امریکا سوریه کې پر ایراني تاسیساتو هوایي بریدونه کړي

امریکا سوریه کې پر ایراني تاسیساتو هوایي بریدونه کړي


  • 8 مياشتي دمخه (13/11/2023)
  • سمسور نیوز
  • 391

امریکا په سوریه کې د ایران پر اړونده تاسیساتو دوه هوایي بریدونه کړي دي. 

د امریکا دفاع وزیر لوېډ اسټن ویلي، چې دا بریدونه د یکشنبې په شپه د سوریې البو کمال ښار سره نږدې د روزنې په یو مرکز او د میادین ښار سره نږدې د پټېدو په یو خوندي کور شوي دي. 

نوموړي زیاته کړې، چې د دغو بریدونه امر ولسمشر جوبایډن ورکړی و. 

د اسټن په خبره، دا بریدونه د ایران اړوندو ملېشو له خوا په سوریه او عراق کې پر دېره امریکايي ځواکونو د وروستیو بریدونو په ځواب کې شوي.  

تر اوسه معلومه نه ده، چې په دې بریدونو کې چا ته مرګ ژوبله هم اوښتې او که نه.

پر اسرائلو د حماس تر برید وروسته، په منځني ختیځ کې پر امریکایي ځواکونو بریدونه زیات شوي دي.