تر فلای دوبۍ وروسته؛ اېر عربيه هم کابل ته خپلې الوتنې پیلوي
- 11 مياشتي دمخه (17/11/2023)
- سمسور نیوز
- 571
تر فلای دوبۍ هوایي شرکت وروسته، د اېر عربیه په نوم یو بل هوایي شرکت هم غواړي، چې کابل ته خپلې الوتنې پیل کړي.
په دوبۍ کې د افغانستان قونسلګرۍ ویلي، چې د اېر عربیه هوايي شرکت چارواکو ډاډ ورکړی، چې کابل ته د الوتنو لپاره هوډمن دي.
دغه قونسلګرۍ زیاتوي، چې په کابل کې یې د هوایي چلند وزرات له چارواکو سره خبرې کړې، چې ژر به یې په اړه پرېکړه وشي.
دا په داسې حال کې ده چې دوه ورځې د مخه فلای دوبۍ تر شاوخوا دوه کلن ځنډ وروسته، یو ځل بیا افغانستان ته خپلې الوتنې له سره پیل کړې.
د تېر جمهوري نظام پر مهال پر فلای دوبۍ سربېره د امارات، ترکش، عربیه، اېر انډیا، پيایاې او د ایران د اسمان په ګډون بېلابېلو بهرنیو هوايي شرکتونو افغانستان ته الوتنې کولې.