ای او اېم: پاکستان دې د افغان کډوالو د اېستلو بهیر وځنډوي
- 11 مياشتي دمخه (22/11/2023)
- سمسور نیوز
- 350
د کډوالۍ نړیوال سازمان د پاکستان له حکومت څخه غوښتي، چې د افغان کډوالو د اېستلو بهیر دې وځنډوي.
د یاد سازمان له لوري په خپره شوې خبر پاڼه کې راغلي، چې هره ورځ ۱۷ زره کسان د تورخم او سپین بولدک له لارو افغانستان ته را اوړي.
خبر پاڼه زیاتوي، پر یادو دوو لارو د ډېرې ګڼې ګوڼې له امله؛ راستنېدونکي افغانان له سختو ستونزو سره مخ دي او اړتیا ده، چې د پاکستان حکومت دا لړۍ د څه وخت لپاره و دروي.
یاد سازمان پر نړۍوالې ټولنې هم غږ کړی، چې د افغانانو ملاتړ کچه دې زیاته کړي.
دا په داسې حال کې ده، چې د پاکستان تر اعلان وروسته، څه باندې څلور سوه زره افغانان خپل هېواد ته راستانه کړای شوي دي.
بل لورته راستنې شوې کورنۍ له افغان حکومت او نړیوالو د د سرپناه او د ژوند نورو امکاناتو د برابرېدو غوښتنه کوي.