د شمالي کوریا جاسوسې سپوږمکۍ د سپینې ماڼۍ او پنټاګون اځورونه اخیستي
- 1 کال دمخه (28/11/2023)
- سمسور نیوز
- 558
د شمالي کوریا له لوري فضا ته توغول شوې سپوږمکۍ په واشنګټن کې د سپینې ماڼۍ او پنټاګون او دغه راز په هوایي او ارام سمندر کې د مهمو امریکایي پوځي اډو انځورونه اخیستي دي.
دا جاسوسه سپوږمکۍ مالیګیونګ -۱ نومېږي او د روانې نوامبر میاشتې پر ۲۲ مه نېټه فضا ته وتوغول شوه.
د شمالي کوریا دولتي اژانس د خبر له مخې، اخیستل شوي انځورونه د شمالي کوریا مشر کېم جونګ اون ته رسېدلي او لیدلي دي.
د شمالي کوریا چارواکو دا د خپل هېواد په تاریخ کې یو مهم فضایي ماموریت بللی دی.
بل لورته امریکا لا د شمالي کوریا دغې ادعا ته غبرګون نه ښودلی.
شمالي کوریا روان کال تر دې وړاندې دوه ځله هڅه کړې وه، چې یوه پوځي سپوږمکۍ د ځمکې مدار کې ځای پر ځای کړي؛ خو دواړه هڅې یې ناکامه شوې وې.