هرات کې یو ځوان هلک او د هغه کوژدنه په دار ځړول شوي
- 10 مياشتي دمخه (12/12/2023)
- سمسور نیوز
- 557
سيمهييزې سرچينې وايي چې په هرات ولايت کې يو ځوان هلک او د هغه کوژدنه په دار ځړول شوي دي.
د سرچینې د معلوماتو له مخې، پېښه د یکشنبې شپه د چشت شریف ولسوالۍ په «درهګګ» کلي کې رامنځته شوې ده.
سرچینې زیاته کړې، چې دغو دوو ځوانانو شاوخوا یوه میاشت مخکې کوژده کړې وه او هلک د شپې له خوا د خپل خسر کور ته تللی و.
د سرچينې په وینا، دا دوه کسان د نجلۍ د پلار په کور په دار ځړول شوي دي.
تر اوسه د دغو دوو ځوانانو د وژنې لامل او عاملين نه دي معلوم.
ځایي چارواکو تر اوسه په دې اړه څه نه دي ویلي.
تر دې مخکې هم د هرات يوه اوسېدونکي خپله مېرمن له بل سړي سره د اړيکو په تور وژلې وه.