بلوچستان کې له پاکستاني زندانونو ۱۵ افغانان ازاد شول
- 11 مياشتي دمخه (25/12/2023)
- سمسور نیوز
- 377
د کډوالو او بېرته راستنېدونکو چارو وزارت وایي، چې ۱۵ افغان بندیان په پاکستان کې له بنده خوشې شوي دي.
دغه بندیان بلوچستان کې د کوټې له زندانونو ازاد او تېره ورځ افغانستان ته رالېږدول شوي دي.
د دغه وزارت د معلوماتو له مخې، دغه کسان د قانوني اسنادو د نه لرلو له امله بنديان شوي وو، چې افغانستان ته له راستنېدو سره سم، د مرستو ترلاسه کولو په موخه د کډوالۍ نړۍوال سازمان ته ور وپېژندل شول.
تر دې وړاندې د بلوچستان د اطلاعاتو لنډمهاله وزیر جان اڅکزي په ځلونو ویلي، چې په دغه ایالت کې به ټول بې اسناده افغان کډوال وباسي.
دا په داسې حال کې ده، چې له پاکستانه د بې اسناده افغان کډوالو د اېستلو لړۍ لاهم روانه ده او هره ورځ سلګونه کورنۍ په جبر را اېستل کېږي.