بي پي اېل سیالۍ؛ عظمت الله عمرزي د لوبې د غوره لوبغاړي جایزه واخیسته
- 9 مياشتي دمخه (30/01/2024)
- سمسور نیوز
- 342
عظمت الله عمرزي د لوبې د غوره لوبغاړي جایزه واخیسته.
د بنګهدېش کرېکټ غوره لیګ سیالیو په لړ کې افغان الراونډر عظمت الله عمرزي یو ځل بیا بهترینه لوبه ترسره کړه او خپله لوبډله یې تر بریا ورسوله.
نوموړی په دغه سیالیو کې د رانګپور رایډرز لوبډلې سره لوبېږي، چې نن یې د کومیلا ویکټورینز لوبډلې پر وړاندې بهترینه لوبه وکړه او د خپلې لوبډلې په ګټه یې د ۳ څلوریزو او ۲ هسکو شپږیزو پر مټ ۳۶ ناسوځېدلې منډې جوړې کړې.
همدارنګه یې په څلور اورونو کې د ۳۱ منډو په ورکولو سره د سیالې لوبډلې ۲ مهم لوبغاړي وسوځول او د لوبې د غوره لوبغاړي جایزه یې وګټله.