د پاناما سواحلو کې کښتۍ ډوبه شوې؛ زیات سپاره یې افغانان وو
- 8 مياشتي دمخه (16/02/2024)
- سمسور نیوز
- 398
د پاناما سواحلو ته نږدې په کارابین سمندرګي کې کښته ډوبه شوې، چې په پایله کې یې څلور تنه غیر قانوني کډوال مړه شوي او دوه نور نادرکه دي.
د پاناما د عامه خوندیتوب وزارت ویلي، په یاده کښتۍ ۲۷ تنه غیر قانوني کډوال وو، چې ډېری یې افغانان وو؛ خو دا لا نه ده مالومه چې مړه شوي کسان افغانان دي که نه.
په مړو شویو کسانو کې دوه ښځې، یو ماشوم او یو نارینه شامل دی.
د یادونې ده چې امریکا ته ډېر غیر قانوني کډوال د کولمبیا او پاناما ترمنځ په سختو خطرناکو لارو ځي.
باید وویل شي، چې تر دې وړاندې هم لسګونه غیر قانوني افغان کډوالو نورو هېوادونو ته پر لارو خپل ژوند له لاسه ورکړی.