سمسور

خوست او غور کې؛ واورې او بارانونو درې تنه وژلي

• 8 مياشتي دمخه (02/03/2024)
• سمسور نیوز
• 336

خوست کې د کوټې چت پرېوتو له کبله دوه مېرمنو خپل ژوند له لاسه ورکړی دی.
یاده پېښه د ځاځي میدان ولسوالۍ اړوند داڼیو سیمه کې رامنځته شوې ده.
د خوست امنیه قومندانۍ ویاند طاهر احرار وايي، چې په دې پېښه کې درې نور ماشومان ټپیان شوي دي.
د هغه په خبره، ټپیان یې د درملنې لپاره روغتیايي مرکز ته لېږدولي.

په همدې حال کې بیا تېره ورځ د غور پسابند ولسوالي کې هم یو تن د سختې واورې او یخنۍ له کبله ساه ورکړې وه.
د غور امنیه قومندانۍ مسوولین وايي، چې نوموړی له څو نورو ملګرو سره د هلمند له نوزاد څخه غور ته پر لاره وو، چې د پسابند ولسوالي په چغمبان کلي کې یې ژوند له لاسه ورکړی.
امنیتي ځواکونو د نوموړي جسد راوړل شوی او  نور ملګري یې ژغورل شوي دي.