ملګرو ملتونو یو وار بیا له سرپرست حکومت غوښتي چې افغان ښځو ته خپل حقونه ورکړي

ملګرو ملتونو یو وار بیا له سرپرست حکومت غوښتي چې افغان ښځو ته خپل حقونه ورکړي


  • 4 مياشتي دمخه (08/03/2024)
  • سمسور نیوز
  • 223

ملګرو ملتونو یو وار بیا افغانستان کې پر ښځو او نجونو د بندیزونو پر لرې کولو ټینګار کړی دی.

په افغانستان کې د یاد سازمان سیاسي استازولۍ یا یوناما په یوه خپره کړې اعلامیه کې ویلي چې که پر افغان مېرمنو بندیزونه پای ته ونه رسیږي، نو دا هېواد به د لا زیاتې بې وزلۍ او انزوا کېدو له خطر سره مخ شي.

اعلامیه کې د یوناما مشرې روزا اتونبایوا له قوله ویل شوي، په داسې حال کې چې نړۍ کې د ښځو ورځ نمانځل کېږي، خو افغانستان کې بیا برعکس حالت لیدل کېږي.

په افغانستان کې د ملګرو ملتونو د ښځو د څانګې ځانګړې استازې الیسون ډیویډیان بیا ویلي  جې د افغان ښځو او نجونو لپاره فضا په اندیښمنونکي ده.

د نوموړې په خبره، د افغان ښځو او نجونو وضعیت مسله باید د نړیوالو اندېښنو او اقداماتو په مرکز کې ځای ولري.

ملګري ملتونه په داسې حال کې یاده غوښتنه بیا تازه کوي چې اسلامي امارت وايي، د مېرمنو پر کار او د نجونو پر زده کړو لګیدلي بندیزونه دایمي نه دي او د یو مناسب چوکاټ په رامنځته کولو سره به ټولو ته د کار او زده کړو اجازه ورکړل شي.