امریکا د افغانانو لپاره د ځانګرو ویزو شمېر زیاتوي
- 8 مياشتي دمخه (20/03/2024)
- سمسور نیوز
- 287
امریکا د هغو افغانانو لپاره د ځانګړو ویزو شمېر زیاتوي، چې د امریکا له پوځي ماموریت سره یې مرسته کړې ده.
د راپورونو له مخې، د ولسمشر جوبایډن اداره له استازو جرګې سره په دې اړه یوې هوکړې ته رسېدلې ده.
د استازو جرګې د بهرنیو اړیکو کمېټې مشر مایکل مککال ویلي، چې د نوې موافقې له مخې ۱۲ زره نورو افغانانو ته هم د امریکا ویزې ورکول کېږي.
د بایډن ادارې او د سنا ډیموکراتانو د شل زرو ویزو غوښتنه کړې وه.
د رویټرز د معلوماتو پر اساس، امریکا به په را روانه اګست میاشت کې د کډوالۍ ځانګړو ویزو لرونکو کسانو شمېر تر ۳۸۵۰۰ پورې ورسوي.
رویټرز ته سرچینو تایید کړې، چې تر اتیازرو پورې افغانانو د امریکا د ویزو غوښتنه کړې.