نورستان کې د ټرافیکي پېښې له امله اتو کسانو ته مرګژوبله اوښتې
- 9 مياشتي دمخه (01/04/2024)
- سمسور نیوز
- 274
د نورستان په دوآب ولسوالۍ کې د یوه ډاټسن موټر د چپه کېدو په پېښه کې ۲ کسان وژل شوي او ۶ نور ټپیان دي.
د نورستان د امنيې قوماندانۍ مسوولینو ویلي، چې پېښه د دوآب ولسوالي په چټک چو سیمه کې د سړک د خرابوالي له کبله رامنځ ته شوې.
سرچینې زیاته کړې، چې په دې پېښه کې دوه ماشومان وژل شوي او ۶ تنه نور ژوبل دي.
ټپیان د درملنې لپاره د لغمان ولایتي روغتون ته وړل شوي دي.
د یادونې وړ ده، چې د نورستان کنډ و کپر سړکونه وخت ناوخت د خلکو ژوند اخلي.