اسراییل په دمشق کې د ایران پر کونسلګرۍ هوایي بریدونه کړي
- 7 مياشتي دمخه (01/04/2024)
- سمسور نیوز
- 335
اسراییل د سوریې په پلازمېنه دمشق کې د ایران پر کونسلګرۍ هوایي بریدونه کړي دي.
رویټرز د خپلو سرچینو له قوله خبر ورکړی، چې د بریدونو په پایله کې د ایران د سپاه پاسداران د قدس ځواک یو مهم قوماندان محمد رضا زاهدي وژل شوی دی.
خو د ایران تسنیم اژانس ویلي، چې په دې بریدونو کې ۵ ایراني دیپلوماتان وژل شوي دي.
د خبر له مخې، د کونسلګرۍ ودانۍ هم په بشپړ ډول تخریب شوې.
بل لورته ایران خبرداری ورکړی، چې د اسراییل دا اقدام به بې ځوابه پرېنږدي.
دا بریدونه په داسې حال کېږي، چې له نږدې اوو میاشتو راهیسې په غزه کې د اسراییل او حماس ترمنځ جګړه روانه ده.