پاکستان تر کوچني اختر وروسته د افغان کډوالو د اېستلو دویم پړاو پیلوي
- 8 مياشتي دمخه (02/04/2024)
- سمسور نیوز
- 262
د پاکستان د سند ایالتي حکومت پرېکړه کړې، چې تر کوچني اختره وروسته له دغه ایالت څخه ۶۷ زره راجستر یا ثبت کډوال وباسي.
ډان ورځپاڼې نن راپور ورکړی، چې په دې اړه د جګپوړو چارواکو په غونډه کې پرېکړه شوې.
یادو کډوالو ته د ۲۰۱۷ او ۲۰۱۸ کلونو ترمنځ د کډوالی ځانګړي کارتونه وېشلي شوي وو؛ خو د نوې پریکړې له مخې، دا کارتونه باطل ګڼل کېږي.
پاکستاني چارواکو افغان کډوالو ته خبرداری ورکړی، چې تر اختر مخکې په خپله خوښه افغانستان ته ستانه شي.
تر دې مخکې د پاکستان مرکزي حکومت د سند ایالتي حکومت ته ویلي و، چې د ټولو کارت لرونکو کډوالو لېست ورسپاري او د اېستلو لپاره یې تیاري ونیسي.
پاکستان د تېر کال په وروستیو میاشتو کې تر نیم میلیون ډېر افغانان افغانستان ته ستانه کړل.