یوناما: ماینونه لا هم د افغانانو ژوند ته یو جدي ګواښ دی
- 8 مياشتي دمخه (02/04/2024)
- سمسور نیوز
- 277
افغانستان کې د ملګرو ملتونو سیاسي استازولۍ یا یوناما ویلي، ماینونه او ناچاودي توکي لاهم د افغانانو لپاره یو جدي ګواښ دی.
یوناما پر خپله اېکس پاڼه لیکلي، د ماین پاکۍ کارکوونکي د استوګنې او ښوونځیو شاوخوا سیمو په پاکولو سره د خلکو ژوند ژغوري.
یادې استازولۍ تېره ورځ ویلي وو، چې په افغانستان کې څه باندې درې زره کیلومټره مربع ځمکه له ماینونو پاکه شوې ده.
د یوناما په خبره، هر کال د ښځو او ماشومانو په ګډون لسګونه زره کسان د ماینونو او ناچاودو توکو له کبله ژوند له لاسه ورکوي.
د یادونې ده، چې په هرات او غزني کې وړمه ورځ په دوو چاودنو کې ۱۱ ماشومانو ژوند بایللی او پنځه نور ژوبل شوي دي.