د افغانستان فوټسال ملي لوبډله نن له سعودي سره لوبه کوي
- 7 مياشتي دمخه (06/04/2024)
- سمسور نیوز
- 230
د افغانستان د فوټسال ملي لوبډله نن د تایلنډ په پلازمېنه بنکاک کې د سعودي عربستان له ملي لوبډلې سره لوبه کوي.
د افغانستان د فوټبال فدراسیون وایي، چې دا لوبه د اسیا د فوټسال اتلولیو د چمتووالي لپاره ده.
افغان فوټسال لوبډلې پرون په یوه بله دوستانه لوبه کې کوربه تایلنډ ته چې اسیایي جام به هم هلته ترسره کېږي، پنځه د درې پر وړاندې ماتې ورکړه.
د اسیایي هېوادونو د فوټسال اتلولي د اپرېل په اوولسمه د شپاړس لوبډلو ترمنځ پيلېږي.
افغانستان د دې لوبو په څلورم ګروپ کې له ایران، کویټ او بحرین سره یوځای شوی دی.