ایران پر اسراییل د لسګونه ډرون الوتکو په وسیله برید کړی
- 6 مياشتي دمخه (14/04/2024)
- سمسور نیوز
- 221
وروسته له هغې، چې اسراییلو په دمشق کې د ایران کونسلګري په نښه او د سپاه پاسداران مهم قومندانان یې ووژل، ایران نن یکشنبه پر اسراییلو د کروز، بالستیک او ډرون توغنديو پر مټ بريد کړی دی.
ایراني چارواکو ویلي، که چېرې اسراییلو کوم بل اقدام وکړ؛ نو د ایران ځواب به له دې هم سخت وي.
د ایران سپاه پاسدران ډلې ویلي، چې لسګونه اهداف یې په نښه کړي دي.
د ایران د بهرنیو چارو وزارت په یوه اعلامیه کې دا برید په دمشق کې پر خپلې قونسلګرۍ د برید غچ اخیستنه بللې.
د اسراییل دفاع وزارت د ایران برید تائید کړی؛ خو وايي؛ ډېر توغندي او ډرون الوتکې د اسراییل پولو ته له رسېدو وړاندې له منځه وړل شوي.
د امریکا ولسمشر جوبایډن بېړنۍ غونډه او د ملګرو ملتونو سرمنشي انټونیو ګوترېش د کړکېچ د ژر پای ته رسولو غوښتنه کړې.
جرمني، بریټانیې او یو شمېر نورو هېوادونو هم د ایران یاد بریدونه غندلي دي.