سمسور

سبا د هېواد په څوارلسو ولايتونو کې د ورښتونو وړاندوینه شوې

• 7 مياشتي دمخه (16/04/2024)
• سمسور نیوز
• 301

د ترانسپورت او هوایي چلند وزارت د هوا پېژندنې رياست وايي، سبا چهارشنبه به د هېواد په څوارلس ولايتونو کې بارانونه وي.

سرچينه وایي، بارانونه به په هرات، فراه، نيمروز، هلمند، کندهار، زابل، پکتيکا، پکتيا، خوست، غزني، باميان، دايکندي، ارزګان او غور ولایتونو کې وي.

سرچينه زياتوي، د دغو بارانونو کچه به د ۱۵ څخه تر ۴۰ ملي مترو پورې وي.

د هېواد په بېلابېلو ولایتونو کې د وروستيو ورښتونو له امله خلکو ته پراخ مالي او ځاني زیانونه اوښتي دي. 

بلخوا بیا د هېواد ډېری د اوبو بندونه له اوبو ډک شوي او مسوولين وايي، د اوبو د کاسو ډکېډلو د برېښنا د توليد کچه لوړه کړې ده.