د بریا او نور ټلوېزیونونو نشرات وځنډول شول
- 6 مياشتي دمخه (17/04/2024)
- سمسور نیوز
- 285
رسنیزو سرغړونو ته د رسېدنې کمېسیون ویلي، هېواد کې د نور او بریا ټلوېزیونونو فعالیتونه ځنډول شوي دي.
یاد کمېسیون د دغو ټلوېزیونونو د فعالیتونو د ځنډولو لامل د دغه کمېسیون سپارښتنو او د خبریالۍ اصولو ته نه پاملرنه بللې ده.
د رسنیزو شکایتونو او سرغړونو کمېسون د معلوماتو لهمخې، دغو دوو ادارو ته خبرداری ور کړل شوی و؛ خو اصول یې مراعت نه کړل، ځکه یې خپرونې بندې شوې.
د دغو ټلوېزیونونو چارواکو تر اوسه د دې پرېکړې په غبرګون کې څه نه دي ویلي.
بل لورته، د افغانستان د خبریالانو مرکز د نور او بریا ټلوېزیونونو د فعالیت ځنډېدل د ټولیزو رسنیو له قانون سره په ټکر کې بللي دي.
دغه مرکز په یوه خبر پاڼه کې ویلي، چې دا ګام د رسنیو پر وړاندې محدودیت دی او باید باید ژر لغوه شي.