پاکستان کې ټرافیکي پېښې تر ۵۰ زیاتو کسانو ته مرګژوبله اړولې
- 7 مياشتي دمخه (17/04/2024)
- سمسور نیوز
- 283
د پاکستان په سند ایالت کې د یوې ټرافیکي پېښې له امله ۷ کسان وژل شوي او شاوخوا ۴۵ نور ټپیان دي.
د پاکستاني رسنیو د خبر له مخې، پېښه د درېیو مسافر وړونکو بسونو، د تېلو یو ټانکر او یوې وړې لارۍ ترمنځ د ټکر له امله رامنځ ته شوې.
د مالوماتو پر بنسټ، د پېښې ټپیان سیمه روغتون ته لېږدول شوي، چې د اوو تنو ټپيانو روغتيايي حالت په کې نازک دی.
د پاکستان په سند کې تر دې وړاندې هم د خونړیو ټرافیکو پېښو راپوروونه ورکول شوي وو.