ایران له افغانستان سره د نمیروز پر پوله ازغن سیم نصبوي
- 7 مياشتي دمخه (19/04/2024)
- سمسور نیوز
- 311
ایراني چارواکي وايي، دغه هېواد له افغانستان سره د نمیروز ولایت پر پوله ازغن دېوال جوړوي.
د ایران یوه پوځي چارواکي عبدالرحمان ساسانیان تېره ورځ ویلي، ایراني انجینیرانو له افغانستان سره د سیستان او بلوجستان ولایت د پولې په اوږدو کې د ازغن سیم د نصبولو کار پیل کړی دی.
تر دې مخکې ایراني چارواکو ویلي وو، چې له پاکستان سره د سیستان او بلوچستان ولایت د پولې په اوږدو کې د دېوال یا ازغن سیم پلان لري.
ایران وروسته له هغې دا پرېکړه کړې، چې سرپرست افغان حکومت د ایران خاورې ته د داعش د څو تاجکستاني غړیو د اوښتو مخه ونیوله.
د داعش په له اړه د اندېښنې ترڅنګ ایران غواړي، چې په دې توګه خپلې خاورې ته د غیر قانوني افغان کډوالود ورتګ مخه ونیسي.