سمسور

پاکستان تر زرو ډېر افغان کډوال په زوره را شړلي

• 7 مياشتي دمخه (24/04/2024)
• سمسور نیوز
• 232

پاکستان تېره ورځ یو وار بیا تر زرو ډېر افغانان له خپل هېواد څخه په جبري ډول را اېستلي دي.

د کډوالو او بېرته راستنېدونکو چارو وزارت پرخپله ایکس پاڼه لیکلي چې د غوايي په لسمه پاکستان ۱۰۰۱ تنه افغانان، چې په دغه هېواد کې اوسېدل، په جبري ډول را ایستلي دي.

په دغو کډوالو کې ۱۹۱ کورنۍ شاملې دي.

د سرچینې د مالوماتو له مخې، یاد کډوال هېواد ته تر راستنېدو وروسته،  د مرستو په موخه یو شمېر موسسو ته ورپېژندل شوي او دغه راز ورسره د اسلامي امارت له لوري هم ورسره مرستې شوې دي.

سره له دې، چې له تېر کال راهیسې پاکستان تر نیم زیات افغان کډوال په جبري ډول له خپلې خاورې ایستلي؛ خو په تازه اعلان کې یې ویلي چې یو وار بیا به د افغان کډوالو د ایستلو لړۍ پیل کړي.