افغان ابدالیان لوبډله له سریلانکا سره لوبو لپاره یاد هېواد ته رسېدلې
- 6 مياشتي دمخه (24/04/2024)
- سمسور نیوز
- 343
د افغانستان کرېکټ الف لوبډله د سریلانکا الف لوبډلې پر وړاندې د راتلونکو ۵ یو ورځنیو سیالیو په موخه تېره ورځ د دغه هېواد همبنټوټا ښار ته ورسېده.
کرکټ بورډ په خپره کړې خبر پاڼه کې ویلي، چې افغان الف لوبډله به د روانې اپرېل میاشتې په ۲۸مه د سریلانکا الف لوبډلې پر وړاندې په لومړۍ یو ورځنۍ لوبه کې د سیالۍ ډګر ته ښکته شي.
کرکټ بورډ تر دې وړاندې ویلي وو، چې افغان ابدالیان لوبډلې له سریلانکا سره د لوبو لپاره بشپړ چمتووالی نیولی.